«Լենինին դաժե մեկ-մեկ լողացնում էինք»․ Լենինի կանգուն արձանը՝ Արին գյուղում (տեսանյութ)
Աջակցիր «Ա1+»-ինՆույնիսկ Վայոց ձորում շատ քչերը գիտեն, որ իրենց մարզում՝ Արին գյուղում, կանգուն է Լենինի արձանը։ Ցեխոտ, անհիշելի ժամանակներից չասֆալտապատված ճանապարհով հասնում ենք Արին գյուղ, որի բարձրադիր մասում է Սոցիալիստական հեղափոխության առաջնորդի արձանը՝ թիկունքով դեպի գյուղը։
Ինչպես պատմեցին Արինի բնակիչները՝ արձանը «մեջքով է» դարձել, երբ գյուղը տեղափոխվել է մի քանի կիլոմետր ներքեւ։ Վլադիմիր Իլյիչի արձանը 1947թ-ին տեղադրվել է դարբասների մոտ՝ դեմքով դեպի արդեն նախկին գյուղը։
Ի դեպ, Լենինի արձանը կանգուն է, բայց բանտարկված։ Մոտենալ անհնար է, քանի որ ցանկապատված է։ Գյուղացիներից մեկն է տարիներ առաջ տարածքը ցանկապատել, բայց արձանին ձեռք չի տվել։
Ասում են՝ մի անգամ գյուղի գինովցած հյուրերը ցանկացել են տապալել Լենինի արձանը, բայց բնակիչները թույլ չեն տվել։
Մանրամասները՝ տեսանյութում
