![276306379_375291264603598_5693118247052904299_n 276306379_375291264603598_5693118247052904299_n](/static/articles/42/75/30/l-t0f6xAP1kc.jpg)
A
A
Պատահար Ստեփանակերտ-Ասկերան ավտոճանապարհին
Աջակցիր «Ա1+»-ինՄարտի 22-ին ժամը 21:55-ին ԱՀ ՃՈ օպերատիվ կառավարման կենտրոնում հաղորդում է ստացվել Օդանավակայանի դիմացի ճանապարհահատվածում տեղի ունեցած ճանապարհատրանսպորտային պատահարի մասին:
Արցախի ոստիկանության տեղեկացմամբ՝ դեպքի վայր մեկնած հետաքննիչները և ճանապարհային ոստիկանության ծառայողները պարզել են, որ նույն օրը ժամը 21:40-ի սահմաններում Ստեփանակերտ-Ասկերան ավտոճանապարհի 7-րդ կիլոմետրին Ստեփանակերտ քաղաքի բնակիչ Մ.Կ.-ն (ծնված 1993թ.) վարելով «Նիսսան մարչ» ավտոմեքենան, դուրս է եկել ճանապարհի երթևեկելի գոտուց և բախվել ծառին, ինչի հետևանքով վերջինս ստացած մարմնական վնասվածքով տեղափոխվել է «Հանրապետական բժշկական կենտրոն»:
Ստուգմամբ զբաղվում է ոստիկանության շրջանային բաժինը:
Ճանապարհային ոստիկանությունը հորդորում է երթևեկության բոլոր մասնակիցներին.
Հաշվի առնելով եղանակային պայմանները և ելնելով ստեղծված իրավիճակից, երթևեկել միայն խիստ անհրաժեշտության դեպքում՝ ձմեռային անվադողերով, ցուցաբերել պատասխանատվություն և զգոնություն: