Ես իրեն պարտք չեմ․Տիգրան Արզաքանցյան
Աջակցիր «Ա1+»-ին«Ալյանս» կուսակցության գերագույն խորհրդի նախագահ Տիգրան Արզաքանցյանը ապօրինի է համարում գործարար Սմբատ Նասիբյանի ներկայացրած հայցը՝ իրեն սնանկ ճանաչելու վերաբերյալ։
«Ես իրեն պարտք չեմ, դատարան էլ կեղծ փաստաթղթեր է ներկայացրել, որ ես իրեն 4 մլն 350 հազար դոլար պարտք եմ։ Ինքը ոչ մի կերպ չի կարող ապացուցի, որ ես իրեն պարտք եմ։ Բոլորը կեղծ է,պետք է պատասխան տա օրենքի առջեւ»,- «Ա1+»-ին ասաց Տիգրան Արզաքանցյանը։
Ըստ Արզաքանցյանի՝ ինքն այդ ժամանակ չի գտնվել Հայաստանում եւ տեղյակ չի եղել, որ դատարանը իր դեմ սնանկության գործով որոշումներ է կայացրել։ «Ինձ պատկանող ոսկու գործարանի 20 տոկոսը Սմբատ Նասիբյանը անօրինական կերպով գրանցել է իր անունով»,- ասաց ԱԺ նախկին պատգամավորը։
Նա դիմել է դատախազություն՝ իրականությունը պարզելու համար։
Հիշեցնենք, որ Տիգրան Արզաքանցյանին սնանկ ճանաչելու պահանջով դատարան էր դիմել գործարար Սմբատ Նասիբյանը։ Դատավոր Լիլիթ Կատվալյանը գործն ընդունել է վարույթ։