Շիրակի մարզի աշխատունակ միայնակ մայրերի զբաղվածության ապահովման նպատակով կիրականացվի «Կանանց տնտեսական զորեղացումը բարձր արտադրողականություն ունեցող ոլորտներում» զբաղվածության խթանման ծրագիրը։Այս մասին իրազեկում է ՀՀ աշխատանքի և սոցիալական հարցերի նախարարությունը։

 

Առաջնահերթություն տրվելու է նրանց, ովքեր՝

դիմելու պահին չեն աշխատում,

ընդգրկված են ընտանիքների անապահովության գնահատման համակարգում,

ունեն երկու և ավել անչափահաս երեխա։

Ծրագրին մասնակցելու համար հնարավոր է լրացնել հայտադիմում ինչպես առցանց, այնպես էլ առձեռն մինչև ս.թ. մարտի 25-ը Միասնական սոցիալական ծառայության Շիրակի մարզի տարածքային կենտրոններում։

Առցանց հայտադիմումը հասանելի է հետևյալ հղումով՝ https://bit.ly/34pYiDi

Ծրագիրն իրականացնում է ՀՀ աշխատանքի և սոցիալական հարցերի նախարարությունը՝ Հայաստանում Արաբական միացյալ էմիրությունների դեսպանատան, «Զայեդ» բարեգործական և հումանիտար հիմնադրամի աջակցությամբ ու Գյումրիի տեղեկատվական տեխնոլոգիաների կենտրոնի հետ համագործակցությամբ։