A
A
«Լիվերպուլը» 11:10 հաշվով հաղթեց «Չելսիին» և նվաճեց լիգայի գավաթը
Աջակցիր «Ա1+»-ին2022 թվականի Անգլիայի լիգայի գավաթը նվաճեց «Լիվերպուլը», որը եզրափակիչում 11 մետրանոցներով հաղթեց «Չելսիին»։
Հանդիպումը կայացավ Լոնդոնի «Ուեմբլի» մարզադաշտում։ Հանդիպման հիմնական և լրացուցիչ ժամանակն ավարտվեց 0։0 հաշվով: Նշենք, որ հանդիպման ընթացքում երեք գոլ չեղարկվեց խաղից դուրս վիճակի համար։ Երկրորդ խաղակեսում ՎԱՐ համակարգը չգրանցեց «կարմիրների» պաշտպան Ժոել Մատիպի գոլը, իսկ լրացուցիչ ժամանակում «կապտագույնների» հարձակվող Ռոմելու Լուկակուի և կիսապաշտպան Կայ Հավերցի խփած գնդակները:
Հաղթողին որոշելու համար նշանակվեցին 11 մ հարվածներ: «Լիվերպուլի» բոլոր խաղացողներն իրացրին իրենց հնարավորությունը, իսկ ահա «Չելսիի» ֆուտբոլիստ Կեպա Արիսաբալագան վրիպեց: Այդպիսով, «կարմիրները» հաղթեցին 11:10 հաշվով և 9-րդ անգամ տիրեցին գավաթին։
