A
A
Ամուր առողջություն եմ մաղթում ինձ համար անհանգստացողներին և չարախնդացողներին․ Վլ․ Գասպարյան
Աջակցիր «Ա1+»-ինՆախկին ոստիկանապետ Վլադիմիր Գասպարյանը, ում առողջական վիճակը կտրուկ վատացել էր օրեր առաջ, ֆբ-ի իր էջում գրել է.
«Շնորհակալություն եմ հայտնում բոլոր նրանց, ովքեր մեր Հայրենիքի և ժողովրդի համար այս ծանր փուլում հետաքրքրվում են իմ որպիսիությամբ:
Ուզում եմ խորին երախտագիտությունս հայտնել նաև «Նաիրի» բժշկական կենտրոնի ողջ բուժանձնակազմին՝ բժիշկներին, բուժքույրերին, սանիտարներին՝ մասնագիտական, մարդկային բարձր որակների և հոգատար ու բարեհամբույր վերաբերմունքի համար:
Ամուր առողջություն եմ մաղթում ինձ համար անհանգստացողներին և չարախնդացողներին:
Աստված բոլորիս պահապան»:
Հիշեցնենք, որ Վլադիմիր Գասպարյանն արդեն շուրջ 1 շաբաթ է` գտնվում է բժիշկների հսկողության տակ։ Նրա առողջական վիճակի վատթարացումը տարեսկզբին տարած ինսուլտի հետևանքն է։
