A
A
Հայաստանը ծանրամարտի աշխարհի առաջնությանը կմասնակցի 10 մարզիկով
Աջակցիր «Ա1+»-ինՀայաստանի ծանրամարտի հավաքականը դեկտեմբերի 7-11-ը Տաշքենդում կայանալիք աշխարհի առաջնությանը կմասնակցի 10 հոգով` ինը տղամարդ և մեկ կին: Հայաստանի ազգային օլիմպիական կոմիտեի պաշտոնական կայքով այդ մասին հայտնել է տղամարդկանց հավաքականի գլխավար մարզիչ Փաշիկ Ալավերդյանը:
Ավաղ, Եվրոպայի երիտասարդների և մեծահասակների չեմպիոն, էջմիածինցի Կարեն Ավագյանը չի հասցրել բուժել գոտկատեղի վնասվածքը, այդ իսկ պատճառով նա բաց կթողնի աշխարհի առաջիկա առաջնությունը:
Մեր ծանրորդները նոր են վերադարձել Ուկրաինայի Կամենեց –Պոդոլսկ քաղաքից, որտեղ մասնակցել են ուսումնամարզական հավաքի: Այժմ նրանք մարզումները կշարունակեն Երևանում և Աբովյանում:
