Պանդորայի թղթերն ինչպես կազդեն Ալիևի վարկանիշի վրա (տեսանյութ)
Աջակցիր «Ա1+»-ինՀետաքննող լրագրողների նոր բացահայտումներում` «Պանդորայի թղթեր»-ում, առանցքային դեր ունի Ադրբեջանի նախագահ Իլհամ Ալիեւը։ Ըստ այդ փաստաթղթերի Ադրբեջանի նախագահի ընտանիքը Մեծ Բրիտանիայում ներգրավված է եղել ավելի քան կես միլիարդ դոլարի անշարժ գույքի գործարքներում:
Քաղաքագետ Բենիամին Պողոսյանի կարծիքով` այս բացահայտումը այդքան էլ չի ազդի Ալիևի վարկանիշի վրա՝ 2020թ 44-օրյա պատերազմից հետո։
Նույնը վերաբերվում է նաև Վ․ Պուտինին, որի մտերիմներին մասին եւս անդրադարձ կա փաստաթղթերում։
«2021 թվականի սեպտեմբերի պետական դումայի ընտրությունները ցույց տվեցին, որ իշխող կուսակցությունը՝ Միասնական Ռուսաստանը, բավականաչափ վստահ հաղթանակ տարավ»,-ասում է քաղաքագետը։
Բենիամին Պողոսյանն, անդրադառնալով նաև բնապահպանության նախկին նախարար Վարդան Այվազյանի և բրիտանական ընկերությունների համագործակցության վերաբերյալ հետաքննությանը, նշեց՝ բրիտանական բիզնեսի առկայությունը օֆշորային գոտիներից դեպի Հայաստան, նորություն է։
Մանրամասները տեսանյութում
