Best Life հայ-ճապոնական հիվանդանոցում էր դիմել 64 տարեկան տղամարդը, խիստ պրոգրեսիված շաքարային դիաբետով, ստորին վերջույթի 2րդ և 3րդ մատերի անդամահատումով և գանգրենոզ վերքով, ստորին վերջույթի սաստիկ ցավերով, որոնք զգալիորեն իջեցնում էին կյանքի որակը:

 

Պացիենտը նախկինում վիրահատվել էր ԱՄՆ-ում և Հայաստանում, սակայն վիրահատությունները չէին պսակվել հաջողությամբ:

 

Կատարվել է հիբրիդային վիրահատություն( Էնդովասկուլյար միջամտության և բաց շունտավորում), արդյունքում հաջողվել է լավացնել ազդրային մակերեսային, ծնկային և սրունքի զարկերակների անցանելիությունը, ինչը հնարավորություն է տվել խուսափել ստորին վերջույթի անդամահատումից և հանգեցրել վերքի լավացման:

 

Վիրահատող բժշկներն են եղել անոթաբաններ Ռաֆայել Մանվելյանը և Արեն Եսայանը: