Այսօր կայացավ «Սիրիահայերի և տեղացիների դիմակայունության բարձրացում» ծրագրի ամփոփիչ համաժողովը։ Ծրագիրը միտված էր ընդլայնելու սիրիահայերի և տեղի հյուրընկալ բնակչության տնտեսական ինտեգրումը և Հայաստանում նորարարական և ձեռնարկատիրական ոգին խթանելու միջոցով բարձրացնելու տեղական տնտեսությունների մրցունակությունը։

«Սիրիական ճգնաժամի արձագանքման նպատակով ստեղծված ԵՄ տարածաշրջանային Թրասթ ֆոնդից տրամադրվող աջակցությունը և համահիմնադիր կազմակերպությունների համատեղ ջանքերը, կարծում եմ, օգնեցին խթանել և ամրապնդել սիրիահայերի, փախստականների, հայրենադարձների և տեղական ձեռնարկատերերի տնտեսական ինտեգրումը՝ նպաստելով Հայաստանի ՓՄՁ ոլորտի աճին։ Լիահույս եմ՝ այս փորձն օգտակար կլինի՝ այն ապագայում նմանատիպ տարբեր նախագծերի շրջանակներում կրկնօրինակելու համար»,- բացման ելույթում նշեց Հայաստանում ԵՄ դեսպան Անդրեա Վիկտորինը։