Հանքարդյունաբերությունից տուժող համայնքներն արդարացի փոխհատուցում կստանան
Աջակցիր «Ա1+»-ինՀանքարդյունաբերող ընկերությունը պետբյուջե վճարված ռոյալթիի 2 տոկոսից 50/50 հարաբերակցությամբ կբաշխի տվյալ ընկերության հանքի ազդակիր համայնքի և ՀՀ-ում ռոյալթի վճարող այլ հանքերի ազդակիր համայնքների միջև. Կառավարությունն այսօրվա նիստին հավանություն տվեց «Հայաստանի Հանրապետության բյուջետային համակարգի մասին» և «Տեղական ինքնակառավարման մասին» օրենքներում փոփոխությունների նախագծերի փաթեթին:
«Նախորդ տարվա կարգավորումների սահմաններում խոսքը մոտ 700 մլն դրամի մասին է: Եթե հաշվի առնենք, որ մենք ընդհանուր առմամբ ռոյալթիների համակարգը վերանայելու գործընթացի մեջ ենք, և հաշվի առնելով, որ մետաղների գները կանխատեսումներով շարունակաբար բարձրանալու են, էդ գումարը նույնիսկ նախորդ տարվա չափանիշներով փոքր չեն. համայնքները կարող են այդ գումարներով իրենց սուբվենցիոն հնարավորություններն ընդլայնել: Խոսքը 23 ազդակիր համայնքի մասին է»,- ասաց վարչապետ Նիկոլ Փաշինյանը:
