A
A
Պետությունը կաջակցի գործատուներին, եթե հաշմանդամ դարձած զինծառայողներին աշխատանքի ընդունեն (տեսանյութ)
Աջակցիր «Ա1+»-ինՌազմական գործողությունների հետևանքով վիրավորում և հաշմանդամություն ստացած նախկին զինծառայողներին աշխատանքի ընդունող գործատուն պետությունից աջակցության կստանա։ Այս մասին այսօր կառավարության նիստում հայտարարեց ՀՀ աշխատանքի և սոցիալական հարցերի նախարար Նարեկ Մկրտչյանը` ներկայացնելով համապատասխան որոշման նախագիծը։
«Աշխատանքի տեղավորված յուրաքանչյուր շահառուի համար գործատուին նախատեսվում է տրամադրել աջակցություն` այդ անձի աշխատավարձից հաշվարկված եկամտային հարկի չափով, եռամսյակային կտրվածքով՝ առավելագույնը 100 000 դրամի չափով։ Առավելագույն ժամկետը կլինի մեկ տարի։ Գործատուի մոտ աշխատատեղի հարմարեցման անհրաժեշտության դեպքում գործատուին կտրամադրվի միանվագ փոխհատուցում՝ ոչ ավելի, քան 500 000 դրամի չափով»,– ասաց նախարարը։
