A
A
Ազգային ժողովն օգոստոսի 10-ին լրացուցիչ նիստ է անցկացնելու
Աջակցիր «Ա1+»-ինԱզգային ժողովը որոշում է կայացրել օգոստոսի 10-ին անցկացնել ևս մեկ լրացուցիչ նիստ, որը կտևի մինչև ժամը 20:00-ն:
Լրացուցիչ նիստ անցկացնելու առաջարկով հանդես եկավ Ազգային ժողովի նախագահ Ալեն Սիմոնյանը:
«Հաշվի առնելով, որ մեր քննարկումները բավականին երկար են տևում և ունենք դեռ 10 հանձնաժողովի ղեկավարի ընտրություն, առաջարկում եմ օգտվել ԱԺ կանոնակարգի 37-րդ հոդվածի 2-րդ կետի հնարավորությունից և այսօր ևս մեկ նիստ գումարենք 1.5 ժամ տևողությամբ»,- ասաց Սիմոնյանը:
ԱԺ նախագահն իր առաջարկը դրվեց քվեարկության: Առաջարկին կողմ քվեարկեց 69, դեմ` 0, ձեռնպահ`0 պատգամավոր:
Ազգային ժողովում շարունակվում է մշտական հանձնաժողովների նախագահների ընտրության հարցի քննարկումը: Ներկայումս քննարկվում է ԱԺ տնտեսական հարցերի մշտական հանձնաժողովի ընտրության հարցը: