Արամ Հարությունյանին արդարացնելուց հետո բողոք է բերվել

Դատախազությունը վերաքննիչ բողոք է ներկայացրել  «Ազգային համաձայնություն» կուսակցության նախագահ Արամ Հարությունյանի գործով։

  Հիշեցնենք, որ այս տարվա հունիսի 4-ին Երեւան քաղաքի ընդհանուր իրավասության դատարանի դատավոր Դավիթ Բալայանն արդարացրել էր Արամ Հարությունյանին։

      Վերջինս մեղադրվում էր ՀՀ քրեական օրենսգրքի 226.2 հոդվածի 1-ին մասով՝  «Youtube» կայքէջում 22.12.2020 թվականին տեղադրված «Նիկոլ, դու մեր դասագրքերն ու տոները փոխեցիր» վերնագրով 6 րոպե տեւողությամբ տեսանյութում ՀՀ վարչապետ Նիկոլ Փաշինյանի նկատմամբ բռնությունը հրապարակայնորեն արդարացնող կոչեր։

   Հոդվածը նախատեսում է տուգանք՝  նվազագույն աշխատավարձի հիսնապատիկից հարյուրհիսնապատիկի չափով, կամ կալանք՝ առավելագույնը երկու ամիս ժամկետով, կամ ազատազրկում՝ առավելագույնը մեկ տարի ժամկետով: