ԱԺ-ն միաձայն ընդունեց հայհոյանքը քրեականացնող նախագիծը (տեսանյութ)
Աջակցիր «Ա1+»-ինՀՀ Ազգային ժողովը հուլիսի 30-ին հրավիրված արտահերթ նստաշրջանում երկրորդ ընթերցմամբ քննարկեց եւ ընդունեց պատգամավորներ Վլադիմիր Վարդանյանի, Աննա Կարապետյանի, Հովհաննես Հովհաննիսյանի, Արփինե Դավոյանի, Գեւորգ Պապոյանի, Վահագն Հովակիմյանի, Նարեկ Զեյնալյանի, Լուսինե Բադալյանի, Կորյուն Մկրտչյանի եւ Անդրանիկ Քոչարյանի հեղինակած ««ՀՀ քրեական օրենսգրքում» լրացում կատարելու մասին» եւ ««ՀՀ քրեական դատավարության օրենսգրքում» լրացում կատարելու մասին» օրենքների նախագծերի փաթեթը: Օրենսգրքերը լրացվում են նոր՝ 137.1. հոդվածով, որով կքրեականացվի անձին ծանր վիրավորանք հասցնելը՝ հայհոյելը կամ նրա արժանապատվությունն այլ անպարկեշտ, լկտի կերպով վիրավորելը:
Հիմնական զեկուցող Վլադիմիր Վարդանյանը հայտնեց, որ փաթեթը բովանդակային փոփոխության չի ենթարկվել: ԱԺ պետական-իրավական հարցերի մշտական հանձնաժողովի անդամ Սիսակ Գաբրիելյանը հայտնեց, որ փաթեթն այսօր հանձնաժողովում քննարկվել է եւ ստացել դրական եզրակացություն: Նա պարզաբանեց, որ առաջարկվող կարգավորումը վերաբերում է անխտիր բոլոր քաղաքացիներին:
Նախագծի վերաբերյալ Կառավարության դիրքորոշումը դրական էր:
Նախաձեռնության վերաբերյալ մանրամասներն՝ այստեղ:
