A
A
Հայկ Մարտիրոսյանը հաղթահարեց նաև շախմատի աշխարհի գավաթի 1/16 եզրափակիչ փուլը
Աջակցիր «Ա1+»-ինՍոչիում ընթացող շախմատի աշխարհի գավաթի խաղարկության տղամարդկանց մրցաշարում այսօր ընթանում են 1/16 եզրափակիչ փուլի պատասխան հանդիպումները:
Այս փուլին մասնակցող Հայաստանի միակ շախմատիստ Հայկ Մարտիրոսյանը սևերով ոչ-ոքի խաղաց խորվաթ գրոսմայստեր Անտե Բրկիչի հետ: Առաջին պարտիան քանի որ ավարտվել էր հայ շախմատիստի առավելությամբ, ուստի նա 1,5:0,5 հաշվով հաղթեց այս մրցամարտում:
Հայկ Մարտիրոսյանը մտավ 1/8 եզրափակիչ փուլ, որտեղ կհանդիպի Պենտալա Հարիքրիշնա – Մ. Ամին Տաբատաբաեի զույգի հաղթողի հետ:
