Բացել լրահոսը Փակել լրահոսը
ՍԴ նիստ
A A
Հասարակություն

ՍԴ-ն մերժեց «Զարթոնք»-ի ներկայացրած միջնորդությունները, ևս մեկ միջնորդության քննարկում հետաձգեց

Սահմանադրական դատարանը մերժեց «Զարթոնք» կուսակցության ներկայացրած միջնորդությունները, իսկ ևս մեկ միջնորդության քննարկում հետաձգեց։

ՍԴ նախագահ Արմեն Դիլանյանը հայտարարեց, որ ՍԴ-ն որոշում է կայացրել մերժել կուսակցության ներկայացրած միջնորդությունները համաձայն որոնց՝ պահանջում են ԱԱԾ-ից տեղեկություն ստանալ, թե ընտրություններին մասնակցած քաղաքացիներից յուրաքանչյուրը վերջին անգամ երբ է լքել ՀՀ պետական սահմանը և երբ վերադարձել։ ՊԵԿ-ից և վարչապետի աշխատակազմից հանրային ծառայողների քանակի վերաբերյալ միջնորդությունը, ինչպես նաև ՏԿԵ-ից ընտրության օրը հոսանքազրկումների տևողության և պատճառների վերաբերյալ միջնորդությունները ևս մերժվել են։

«Որոշել ենք հետաձգել ՊՆ-ից՝ ընտրություններին մասնակցած զինծառայողների քանակի վերաբերյալ տեղեկություն ստանալու մասին միջնորդությունը։ Ինչ վերաբերում է ՀՀ նախագահին որպես վկա հրավիրելու միջնորդությանը, ՍԴ-ն այն չի քննարկել՝ նկատի ունենալով այն հանգամանքը, որ բովանդակային առումով այդ միջնորդությանն անդրադարձել է ՍԴ դատավոր Հրայր Թովմասյանի կատարած միջնորդության շրջանակներում»,-ասաց ՍԴ նախագահը։