Շղթայական ավտովթար Երևանում. 4 ավտոմեքենաների բախման հետևանքով կան տուժածներ

Այսօր՝ հուլիսի 11-ին, շղթայական ավտովթար է տեղի ունեցել Երևանում: Ժամը 14:15-ի սահմաններում Սարալանջի ճանապարհին բախվել են BMW, Lexus, Oepl և Nissan Teana մակնիշի ավտոմեքենաները:

Shamshyan.com-ի փոխանցմամբ, վթարի հետևանքով, ըստ նախնական տեղեկությունների՝ 1 հոգի բժշկական օգնություն ստանալու  նպատակով դեպքի վայր ժամանած  Երևանի  1-03 շտապօգնության  բժիշկների կողմից տեղափոխվել է հիվանդանոց:

Փաստի առթիվ նյութեր են նախապատրաստվում: Ոստիկանությունը պարզում է  վարորդների և վիրավորի ինքնութունը:

Կայքի տեղեկություններով՝ 2 ավտոմեքենա սկզբից բախվել են իրար ու վարորդները սպասել են ԱՊՊԱ-ի ժամանմանը, որից հետո ևս 2 ավտոմեքենա է բախվել: