Բացել լրահոսը Փակել լրահոսը
A A
Տեսանյութեր Քաղաքականություն

Հակամարտության կողմերից ոչ մեկ շահագրգռված չէ ԼՂ ճգնաժամի խորացմամբ․ Պուտին (տեսանյութ)

ՌԴ նախագահ Վլադիմիր Պուտինը հայտարարել է, որ կողմերից ոչ մեկը շահագրգռված չէ Լեռնային Ղարաբաղի ճգնաժամի հետագա խորացմամբ։ Այս մասին հայտնում է TACC գործակալությունը։

Այսօրվա մեծ ասուլիսի ժամանակ Պուտինն ասել է․ «Ռուսաստանը որոշակի դերակատարում է ունեցել այս շատ լուրջ ճնաժամի կարգավորման հարցում։ Ոչ ոք հետաքրքրված չէ  նրանով, որ այդ ճգնաժամը զարգանա՝ ո՛չ Ադրբեջանը, ո՛չ Հայաստանը, ո՛չ էլ առավել ևս Լեռնային Ղարաբաղի բնակչությունը»։

ՌԴ նախագահը նաև հավելել է․ «Եթե բոլորս ապրենք խաղաղ, ընկերական, ապա կստեղծենք պայմաններ մարդկանց կյանքը բարելավելու համար։ Նկատի ունեմ ընտանիքների նորմալ գոյությունը, տնտեսական, սոցիալական զարգացումը, ինչի կարիքը ունեն ԼՂ բնակիչները, քանի որ չի կարելի անընդհատ ապրել տագնապի մեջ, որ կարող է հակամարտությունը կրկնվել»։