A
A
Հայկական թիմերը չմասնակցեցին
Չեխիայի Օստրավա քաղաքում ավարտվեց սեղանի թենիսի Եվրոպայի թիմային առաջնությունը:
Կանանց մրցումներում անկասելի էր Հոլանդիայի հավաքականը, որը հաղթելով իր բոլոր մրցակիցներին, երրորդ անգամ անընդմեջ նվաճեց աշխարհամասի չեմպիոնի կոչումը: Մրցանակային 2-րդ տեղը զբաղեցրեց Ռումինիայի ընտրանին, իսկ բրոնզե մեդալների արժանացան Բելառուսի եւ Լեհաստանի թենիսիստուհիները:
Տղամարդկանց հավաքականների պայքարում 4-րդ անգամ անընդմեջ լավագույն դարձավ Գերմանիայի ազգային թիմը: Եզրափակիչ խաղում գերմանացիները ոչ մի շանս չթողեցին Բելառուսի հավաքականին` 3:0: Բրոնզե մեդալներ նվաճեցին Ֆրանսիան ու Չեխիան:
Ինչ վերաբերում է Հայաստանի տղամարդկանց եւ կանանց հավաքականներին, ապա դրանք որեւէ տեղ չզբաղեցրին, քանի որ պարզապես ... չմասնակցեցին առաջնությանը:
