Պորտուգալիան ջախջախեց Հունգարիային, Ռոնալդուն նոր ռեկորդ սահմանեց. Եվրո-2020

Ֆուտբոլի Եվրոպայի գործող չեմպիոն Պորտուգալիայի հավաքականը վստահ հաղթանակով սկսեց իր տիտղոսի պաշտպանությունը:

Եվրո-2020-ի առաջին տուրի շրջանակում պորտուգալացիները Բուդապեշտում 3:0 հաշվով ջախջախեցին Հունգարիայի ընտրանուն: Առաջին խաղակեսն ավարտվեց գոլազուրկ ոչ-ոքիով: Երկրորդ խաղակեսում տանտերերը դիմացան մինչև 84-րդ րոպեն, որից հետո նրանք երեք գոլ բաց թողեցին: Նախ աչքի ընկավ Գերեյրոն, ապա դուբլ ձևակերպեց Քրիշտիանու Ռոնալդուն: Պորտուգալիայի հավաքականի ավագը սահմանեց Եվրոպայի առաջնության նոր ռեկորդ` եզրափակիչ մրցաշարերում դառնալով 11 գոլի հեղինակ: Նա գերազանցեց ֆրանսիացի Միշել Պլատինիի ռեկորդը, որը 1984թ առաջնությունում խփել էր 9 գոլ:

Պորտուգալիայի հավաքականը վաստակեց առաջին երեք միավորը և սկսեց գլխավորել F խմբի աղյուսակը: Այստեղ հանդես են գալիս նաև Ֆրանսիայի և Գերմանիայի հավաքականները, որոնք այսօր կհանդիպեն իրար հետ:

Խաղի վիճակագրություն

Հունգարիա - Պորտուգալիա

35 % - Գնդակի տիրապետում - 65 %

5 - Հարվածներ - 11

22 -  Խախտումներ - 16

0 - Անկյունայիններ - 6

2 - Խաղից դուրս - 1