Բացել լրահոսը Փակել լրահոսը
199722240_4478091402242024_4486523090157225786_n
A A
Քաղաքականություն

Փաշինյանը պատմեց, թե ինչպես են հասել 15 գերիների վերադարձմանը ու հրապարակեց անունները (տեսանյութ)

Վարչապետի պաշտոնակատար Նիկոլ Փաշինյանը Գավառում հանրահավաքի ժամանակ հայտարարեց, որ մոտ 15 րոպե առաջ 15 հայ գերիներ արդեն անցել են հայ-վրացական սահմանն ու արդեն հայրենիքում են:

Փաշինյանը հայտնեց մանրամասներ, թե ինչպես է հաջողվել հասնել 15 գերիների վերադարձմանը. «Երկու օր առաջ ես հանդիպել եմ ԱՄՆ պետքարտուղարի տեղակալ Ֆիլ Ռիքըրի հետ, ով ասաց, որ ԱՄՆ պետքարտուղար Էնտոնի Բլինկենի հանձնարարությամբ առաքելություն ունի ինչ-որ ճեղքում ապահովել գերիների վերադարձի հարցում: Ես, բնականաբար, ասացի, որ պատրաստ ենք համագործակցության ու ահա այսօր գործադրված ջանքերի արդյունքում՝ այդ թվում Վրաստանի վարչապետ Իրակլի Ղարիբաշվիլիի, ԵՄ մեր գործընկերների, մեր 15 գերիները վերադառնում են Հայաստանհ: Նրանք Կարմիր կամուրջով Ադրբեջանցից անցել են Վրաստան, ապա Բագրատաշենով անցել Հայաստան»:

Վարչապետը նաև խոսեց գերիների դիմաց Ադրբեջանին ականապատման քարտեզներ փոխանցելու մասին. «Դա ճիշտ է, բայց մենք ոչ թե քարտեզները փոխանակել ենք գերիների հետ, այլ քայլին քայլով ենք պատասխանել: Խոսքն այն ականների մասին է, որոնք գտնվում են Ադրբեջանի ԶՈՒ թիկունքում՝ հայտնի հանգամանքների բերումով:

ԵԱՀԿ ՄԽ համանախագահությունը անընդհատ շեշտել է հումանիտար ականազերծման անհրաժեշտության մասին: Նոյեմբերի 9-ից հետո մենք պարբերաբեր որոշակի քարտեզներ փոխանցել ենք Ադրբեջանին՝ գերիների, մարմինների փնտրտուքի հարցում որոշակի կառուցողական մթնոլորտ ստեղծելու համար: Սակայն ժամանակի ընթացքում, մեզ համար անհասկանալի պայմաններում, Ադրբեջանի ղեկավարությունը դադարեցրեց գերիների վերադարձը և դիմեց միջազգային ատյաններին, թե Հայաստանը հրաժարվում է ականների քարտեզներ տրամադրել: Պաշտոնապես հայտարարում եմ՝ մենք չենք հրաժարվել քարտեզներ տրամադրել»:

Նա իր ֆեյսբուքյան էջում հրապարակել  է  նաեւ անունները։

Ստեփանյան Արթուր Լեւոնի, Արմավիր
Էլիբեկյան Գեղամ Արշակի, Արտաշատ
Սեդրակյան Ալեքսան Արմենի, Արմավիր
Գասպարյան Էրիկ Արշակի, Երեւան
Բաբայան Սաշա Մարտինի, Մասիս
Անդրեասյան Արտակ Գառնիկի, Էջմիածին
Խաչատրյան Էրիկ Սարիբեկի, Մասիս
Սիրունյան Նարեկ Անդրանիկի, Քաղսի
Պետրոսյան Սասուն Շահնազարի, Ստեփանակերտ
Սարգսյան Վրույր Վալենտինի, Քանաքեռավան
Բուդոյան Արմեն Գագիկի, Վարդենիս
Օհանյան Բորիս Սամվելի, Ալավերդի
Աբգարյան Արթուր Նորիկի, Արմավիր
Ոսկանյան Դավիթ Հայկի, Արմավիր
Հունանյան Արգամ Հունանի, Արմավիր