Հայկական VBET ընկերությունը մուտք է գործել ուկրաինական շուկա
Աջակցիր «Ա1+»-ինՎերջերս հայկական VBET ընկերությունը ստացել է Առցանց կազինոյի և Առցանց պոկերի լիցենզիաներ Ուկրաինայում` դառնալով առաջին լիցենզավորված պոկերի օպերատորը:
VBET-ը սպորտային և առցանց խաղերի շուկայում գործում է ավելի քան 18 տարի և այդ տարիների ընթացքում միջազգային տարբեր մրցանակաբաշխություններում ստացել է բազմաթիվ մրցանակներ:
Ընկերության մուտքը ուկրաինական շուկա հաստատվել է 2021 թվականի մայիսի 31-ին և վավերացվել է Ուկրաինայի Վիճակախաղի հանձնաժողովի (KRAIL) կողմից:
VBET ընկերության լիցենզավորման և սերտիֆիկացման բաժնի փոխանցմամբ ուկրաինական շուկա մուտքը կարևոր և ռազմավարական քայլ է ընկերության համար հատկապես հենց այս դժվարին ժամանակահատվածում:
Իսկ VBET խաղադրույքների առցանց հարթակի մատակարար BetConstruct-ի համահիմնադիր Վիգեն Բադալյանը հայտնեց, որ թիմը մեծ ներուժ է տեսնում ուկրաինական շուկայում և ոգևորված է իր հաճախորդներին բացառապես օրինական և որակյալ ժամանցի լուծումներ առաջարկելու հարցում: VBET-ը իր գործունեությանը զուգահեռ միշտ աջակցել է տեղական սպորտը զարգացմանը՝ պահպանելով բիզնեսի էթիկայի ամենաբարձր չափանիշները, իսկ շուկայում ներկայանալով դրայվով, կրեատիվ լուծումներով և էնտուզիազմով:
VBET-ը նաև իր գործունեությունը հաջողությամբ ծավալում է բացառապես օրենքով կարգավորվող շուկաներում, ինչպիսիք են Միացյալ Թագավորությունը, Ֆրանսիան, Շվեդիան, Իտալիան, Հարավային Աֆրիկան, Ռումինիան, Մալթան: Ընկերությունը նաև համագործակցում է Monaco F.C.- ի, Alliance կիբերսպորտ թիմի, Portsmouth F.C- ի և այլ հանրահայտ թիմերի հետ:
