Արցախի Անվտանգության խորհրդի նախկին քարտուղար, «Ազատական» կուսակցությանղ ղեկավար Սամվել Բաբայանը Հանրապետության օրվա առթիվ շնորհավորական ուղերձ է հղել, որում ասվում է

 

Հարգելի´ հայրենակիցներ,

 

Մայիսի 28-ը հայ ժողովրդի հերոսական ուղու փառավոր էջերից մեկն է` Սարդարապատի հերոսամարտում տարած հաղթանակի և Հայաստանի առաջին Հանարապետության հռչակման օրը:

 

Սարդարապատի, Բաշ Ապարանի, Ղարաքիլիսայի, դրանից առաջ և հետո հերոսամատերում կռած հաղթանակների պատմական-քաղաքական նշանակությունն ու խորհուրդը մեզ պիտի առաջնորդեն դեպի նոր հաղթանակներ:

 

Աշխարհաքաղաքական և տարածաշրջանային վերջին զարգացումները նոր բովանդակություն են հաղորդել հայոց պետականության մարտահրավերներին, որոնց հաղթահարումը առավել, քան երբևէ Հայաստան-Արցախ-Սփյուռք եռամիասնական ռացիոնալ մոտեցումներ է պահանջում:

 

Ուրեմն` համախմբվենք

հանուն հայոց լինելիությա´ն,

հանուն գալիք հաղթանակների´,

հանուն նրա, որպեզի սերունդներին ժառանգենք արժանապատի´վ Հայաստան:

Փա~ռք հայոց պետականությանը,

Փա~ռք հայ ժողովրդին,

Փա~ռք մեր հերոսներին: