«Ազատ հայրենիք» դաշինքը առաջարկում է Ֆրանսիայի հետ ռազմաքաղաքական պայմանագիր կնքել (տեսանյութ)
Աջակցիր «Ա1+»-ինՀունիսի 20-ին կայանալիք արտահերթ ընտրություններին մասնակցելու հայտ է ներկայացրել նաև «Ազատ Հայրենիք» դաշինքը, այն գլխավորելու է պահպանողական կուսակցության նախագահ Միքայել Հայրապետյանը։
Միքայել Հայրապետյանը լինելու է դաշինքի Ազգային ժողովի նախագահի թեկնածուն, իսկ վարչապետի թեկնածուն հենց ինքը՝ Անդրիաս Ղուկասյանն է։
Այս մասին լրագրողների հետ զրույցում ասաց «Հայ կառուցողական և պահպանողական կուսակցության» նախագահ Անդրիաս Ղուկասյանը՝ Կենտրոնական ընտրական հանձնաժողով խորհրդարանական արտահերթ ընտրությունների մասնակցության գրանցման համար անհրաժեշտ փաստաթղթերը ներկայացնելուց հետո։
Ղուկասյանը հայտնեց, որ իրենց դաշինքը բացկացած է մի քանի կուսակցություններից՝ «Հայ կառուցողական և պահպանողական», «Ազգային ինքնորոշում միավորում», «Ազգային ժողովրդավարների» դաշինքը, Հայաստանի կանաչների կուսակցությունը, Հայաստանի պահպանողական կուսակցությունը։
Նաև հայտնեց, որ դաշինքը որոշել է ընտրություններից հետո կոալիցիա չկազմել ոչ «Քաղաքացիական պայմանագիր» կուսակցության հետ, ոչ էլ ՀՀ երկրորդ նախագահ Ռոբերտ Քոչարյանի և նրա համախոհների հետ։
Ղուկասյանը հավելեց նաև, որ հանդես են գալիս մի ծրագրով, որում ներկայացված են Հայաստանի առջև ծառացած գլխավոր խնդիրների լուծման ուղիները և առաջարկում են արմատական լուծում․
«Մենք կողմ ենք, որպեսզի Հայաստանը փոխի աշխարհաքաղաքական վեկտորը անվտանգության համակարգում։ Հանդես ենք գալիս Ֆրանսիայի հետ ռազմաքաղաքական պայմանագիր կնքելու օգտին։ Գտնում ենք, որ Հայաստանը պետք է ճանաչի Արցախի անկախությունը և ջանքեր գործադրի, որպեսզի միջազգայնորեն ճանաչվի Արցախի Հանրապետությունը և ամրագրվի հայերի իրավունքը Արցախում»,-նշեց Ղուկասյանը։
