Բացել լրահոսը Փակել լրահոսը
A A
Տեսանյութեր Քաղաքականություն

Ինչո՞ւ Վահե Էնֆիաջյանը չկա ԲՀԿ ցուցակում. ովքեր են առաջին 20 անունները (տեսանյութ)

ԲՀԿ պատգամավոր Արման Աբովյանը քիչ առաջ ԿԸՀ-ին ներկայացրեց ընտրություններին մասնակցելու համար անհրաժեշտ փաստաթղթերը, ապա լրագրողների հետ զրույցում կարդաց կուսակցության առաջին տասնյակի թեկնածուների անունները, որը գլխավորում է ԲՀԿ ղեկավար Գագիկ Ծառուկյանը։

Այնուհետև Աբովյանը անդրադարձավ հարցին, թե ինչո՞ւ կուսակցության առանցքային դեմքերից ԱԺ փոխխոսնակ Վահե Էնֆիաջյանը ընդգրկված չէ ցուցակում․ «Գոյություն ունի սերնդափոխության տրամաբանություն և գոյություն ունի տրամաբանություն, որ ցանկացած քաղաքական ուժ, եթե ուզում է լինել լիարժեք, պետք է լինեն փոփոխություններ և ճանապարհ հարթվի նաև նոր մարդկանց համար, երիտասարդների համար»։

Աբովյանը պնդեց՝ Վահե էնֆիաջյանը շարունակում է լինել իրենց թիմի անդամը, հորդորեց մութ սենյակում սև կատու չփնտրել։

Հետընտրական շրջանում հնարավոր կոալիցիաների հարցին ի պատասխան Աբովյանն ասաց՝ կոալիցիաների ֆորմատներ չեն քննարկում և չեն դիտարկում․ «Մենք գնում ենք հաղթելու, և մենք հաղթելու ենք»։

Աբովյանը հայտնեց՝ ցուցակում ունեն 90-ից ավելի թեկնածուներ։

 
Ստորև՝ նախընտրական ցուցակի առաջին 20 անունները:
 
1. Ծառուկյան Գագիկ
2. Մելքումյան Միքայել
3. Տոնոյան Իվետա
4. Սիմոնյան Դավիթ
5. Գուլոյան Կարապետ
6. Իսայան Շաքե
7. Գևորգյան Քաջիկ
8. Աբովյան Արման
9. Սարգսյան Լուիզա
10. Դավթյան Հրանտ
11. Օքմինյան Սուրեն
12. Առուստամյան Նորա
13. Ստեփանյան Տիգրան
14. Ծառուկյան Արտյոմ
15. Նասիբյան Մայրանուշ
16. Մադաթյան Հրանտ
17. Հարությունյան Արսեն
18. Վիրաբյան Հասմիկ
19. Դավթյան Դավիթ
20. Մինասյան Կառլեն