A
A
«Ալաշկերտը» հաղթեց «Արարատին» և դարձավ միանձյա առաջատար. ՀՀ ֆուտբոլի Պրեմիեր լիգա
Աջակցիր «Ա1+»-ինVBET Հայաստանի ֆուտբոլի Պրեմիեր լիգայում կայացավ հետաձգված վերջին հանդիպումը: Այս տարվա գավաթակիր «Արարատը» սեփական դաշտում ընդունեց «Ալաշկերտին»:
Խաղն ավարտվեց հյուրերի նվազագույն հաղթանակով: Միակ գոլը 76-րդ րոպեին հեղինակեց Վինսենտ Բեզեկուրը:
Այս հաղթանակից հետո «Ալաշկերտը» վաստակեց 43 միավոր և վերջին տուրից առաջ դարձավ միանձնյա առաջատար: Նրան հաջորդող «Նոան» ունի 41 միավոր: Հենց այս երկու թիմերն էլ վերջին տուրում կվիճարկեն չեմպիոնի կոչումը:
«Արարատը» երկրորդ անընդմեջ պարտությունը կրեց առաջնությունում և այժմ 37 միավորով գտնվում է 5-րդ հորիզոնականում:
Պրեմիեր լիգայի վերջին` 25-րդ տուրը, տեղի կունենա մայիսի 28-ին:
