Բացել լրահոսը Փակել լրահոսը
A A
Մշակույթ

Պեղումներ Արտաշատում. նոր բացահայտումներ․ Հայ-գերմանական արշավախմբի վերջին նորությունները․ ՈՒՂԻՂ (տեսանյութ)

 

«Արտաշատի շուրջ զարգացումներն ընթանում են երկու ուղղությամբ․ նախ՝ ուսումնասիրությունն է, որն ընթանում է 1970 թվականից, և երկրորդը հուշարձանի պահպանության հարցն է»,- «Տեսակետ» մամուլի ակումբում նշեց Արտաշատի պեղումների արշավախմբի ղեկավար Մկրտիչ Զադեյանը՝ անդրադառնալով Արտաշատում ընթացող պեղումներին, նոր բացահայտումներին և հայ-գերմանական արշավախմբի վերջին նորություններին։

Նրա խոսքով՝ Արտաշատ հնավայրի պատմությունը շատ ավելի հին է, քան կարծում ենք։

 «Խոսքը Խոր Վիրապի բլրաշարքի և հարակից դաշտավայրի մասին է։ Այստեղ բնակությունը սկսվում է մ․թ․ա․ 5-րդ հազարամյակից։ Հուշարձանը, որպես այդպիսին, աչքի է ընկնում որպես անտիկ Հայաստանի ծաղկուն մայրաքաղաքներից մեկը»։

Ինչպես նշեց պարոն Զադեյանը, քաղաքի ուսումնասիրությունն ընթանում է երկու տարածքներում․ «Մեկը Գետամերձ թաղամասն է՝ Արաքսի անմիջական հարևանությամբ։ Երկրորդը, այսպես կոչված, ստորին քաղաքի տարածքում է՝ Խոր Վիրապի բլրաշարքի ստորոտում տեղակայված փոքր բլրակի վրա։ Այս ուսումնասիրություններն ընթանում են հայ-գերմանական համատեղ արշավախմբի շրջանակներում, այսինքն՝ Հնագիտության ինստիտուտի և Վիլհելմ համալսարանի համատեղ ջանքերով»։

Ինչ վերաբերում է հայ-գերմանական «Արտաքսատա» (Արտաշատի հունարեն անվանումն է) ծրագրին, բանախոսը նկատեց, որ նախ ընթանում են բուն հնագիտական պեղումներ և Արտաշատի դաշտավայրային քաղաքի գեոֆիզիկական ուսումնասիրություններ։

 «Մեզ առավել հետաքրքրող շրջաններում մենք անցկացնում ենք գեոֆիզիկական հետազոտություններ, որի շնորհիվ նախքան պեղումները մեր գերմանացի գործընկերների հետ կարողանում ենք պարզել, թե հողի տակ ինչպիսի կառույցներ են մեզ սպասում»,- նշեց Արտաշատի պեղումների արշավախմբի ղեկավարը։

 

Առավել մանրամասն՝ տեսանյութում