A
A
Հայաստանի երիտասարդ բռնցքամարտիկները պարտություն կրեցին. աշխարհի առաջնություն
Աջակցիր «Ա1+»-ինԼեհաստանում ընթացող բռնցքամարտի աշխարհի երիտասարդական առաջնությունում այսօր կայացան հերթական մարտերը: Ավաղ, Հայաստանի երկու ներկայացուցիչներն անհաջողության մատնվեցին և դուրս մնացին պայքարից:
52 կգ քաշային կարգում մեր բռնցքամարտիկ Ռուբեն Գարբոյանը միավորներով պարտվեց ադրբեջանցի Ալի Զամանովին: 91 կգ քաշային Հենրիկ Ճղրիկյանը կուբացի Խորխե Ֆելիմոնի հետ մրցամարտի երկրորդ ռաունդում երկու անգամ հայտնվեց նոկդաունում: Ռինգի մրցավարը տեխնիկական պարտություն գրանցեց մեր բռնցքամարտիկին:
Վաղը` մրցումների երրորդ օրը, Հայաստանից ռինգ դուրս կգան դարձյալ երկու մարզիկ: Առավոտյան հերթափոխին 60 կգ քաշային Արթուր Սահակյանը կմրցի բրազիլացի Յուրի Դոս Ռեյսի հետ: Երեկոյան հերթափոխում 69 կգ քաշային Նարեկ Զախարյանը կմրցի բելառուսցի Յան Կրուկովսկու հետ:
