Բացել լրահոսը Փակել լրահոսը
A A
Հասարակություն

Փաշինյանը հանդիպում է անհետ կորածների և գերիների հարազատներին (տեսանյութ)

Անհետ կորած զինծառայողների ծնողներն ու հարազատները կրկին Կառավարության շենքի մոտ են։ Պահանջը նույնն է՝ Կառավարությունը պետք է հստակ քայլեր ձեռնարկի և տեղեկություններ տրամադրի իրենց՝ որտեղ են իրենց երեխաները, գերության մեջ են արդյոք, թե ոչ։

Հարազատներից մեկը նշեց՝ եթե Կառավարությունը բավարար չափով աշխատեր, այսօր նման իրավիճակ չէինք տեսնի։ Պետք է ճիշտ ցուցակագրեն և լինեն ազնիվ ու խոսեն ժողովրդի հետ, ասեն՝ այսքան մարդ գերեվարված են, այսքանը՝ մեզ թվում է, որ գերեվարված են, մնացածն էլ անհետ կորած են։ Եվ պետք է քայլեր ձեռնարկեն՝ գտնելու անհետ կորածներին, որ ծնողները կարողանան հողին հանձնել։

Անհետ կորած զինծառայողի հարազատ Արսեն Ղուկասյանը լրագրողների հարցերին պատասխանելիս ասաց, որ եթե Ադրբեջանն ասում է՝ ռազմագերիներ չունեն, չի նշանակում, որ այդպես է։ Ամիսներ առաջ նրանք ասում էին նաև, որ մեր տղաների դիակներից չկան իրենց մոտ, բայց հետո պարզվեց՝ կան։

Հարազատներն ու ծնողները որոշ ժամանակ անց մտան Կառավարություն՝ վարչապետ Նիկոլ Փաշինյանի հետ հանդիպելու։ Վարչապետի օգնական Գագիկ Իսախանյանը դուրս էր եկել՝ ծնողներին ուղեկցելու համար և հարցին, թե արդյո՞ք հնարավոր է քննարկումներն ու հանդիպումները բաց լինեն նաև լրագրողների համար, պատասխանեց, որ նմանատիպ բաց քննարկումները հիմնականում վատ արդյունք են ունենում։

 Ի դեպ, այսօր միջադեպ  է եղել ցուցարարների եւ լրագրողների հետ,  վնասվել է NEWS.am-ի տեխնիկան՝ շտատիվը։