Բացել լրահոսը Փակել լրահոսը
100638537_1604012969764568_4292050059723276288_o (1)
A A
Պաշտոնական

Հայ կինը երբեք չի ընկճվել․ Արթուր Թովմասյանի շնորհավորանքը

 ԱԺ նախագահ Արթուր Թովմասյանի շնորհավորանքը Մայրության և գեղեցկության տոնի առթիվ

    Սիրելի' մայրեր, դուստրեր, կանայք

    Գարնանային այս գեղեցիկ օրը լավագույն առիթ է ակնածանքի, երախտիքի, խոնարհումի խոսքեր հղելու Ձեզ և  վերարժևորելու ձեր անգնահատելի դերն ընտանիքում, հասարակական-քաղաքական կյանքում, հայրենապաշտություն սերմանելու և երկրի հզորացման գործում։

    Բնության սահմանած օրենքներով կնոջն է ավանդված մայրանալու և ազգապահպանության մեծագույն շնորհը։

    Հայ կնոջ  բարոյական կերպարի մասին խոսելիս, թվում է, առավելություններն անհաշվելի են։Հայ կինը դարեր շարունակ եղել և մնում է ամուր ընտանիքի հենասյունը, որի գերակա խնդիրը մշտապես հայեցի ու ազգանվեր սերունդ դաստիարակելն է։ 

     Հայ կինը երբեք չի ընկճվել, այսօր էլ նա պատվով  շարունակում է անկոտրում կամքով կրել  իր առաքելությունը՝ արարել, նվիրել ու անհատույց նվիրվել։

     Շնորհավորելով Մայրության և գեղեցկության հիասքանչ տոնը՝ մաղթում եմ ոգու ամրություն, հոգեկան խաղաղություն, անսպառ հմայք ու ջերմություն, ընտանեկան երջանկություն և  երբեք չխամրող  սեր ու ժպիտ։

Արցախի Հանրապետության Ազգային ժողովի

 լրատվության և հանրության հետ կապերի բաժին