A
A
Հայաստանի չորս շախմատիստ պայքարում է հավաքականի թափուր տեղի համար
Աջակցիր «Ա1+»-ինՀայաստանի շախմատի ֆեդերացիան մարտի 22-27-ը Երևանում 2 շրջանով անցկացնում է շրջանաձև մրցաշար հանրապետության չորս գրոսմայստերների միջև, որի հաղթողը կհամալրի Հայաստանի տղամարդկանց հավաքականի թափուր տեղը: Մրցաշարին մասնակցում են Հայաստանի նախկին չեմպիոններ Արման Փաշինյանը, Սամվել Տեր-Սահակյանը, Հայկ Մ. Մարտիրոսյանը և արցախցի Մանուէլ Պետրոսյանը:
Արդեն կայացել է 1-ին տուրը: Այս տարվա փոխչեմպիոն Արման Փաշիկյանը պարտվեց Մանուել Պետրոսյանին, իսկ Սամվել Տեր-Սահակյանն ու Հայկ Մ.Մարտիրոսյանը 59-րդ քայլում խաղաղ դաշն կնքեցին:
Այսօր տեղի կունենան 2-րդ տուրի պարտիաները: Հայկ Մ. Մարտիրոսյանը կմրցի Արման Փաշիկյանի, իսկ Սամվել Տեր-Սահակյանը՝ Մանուել Պետրոսյանի հետ:
Ընտրական մրցաշարը կանցկացվի երկու շրջանով: Հաղթողը հայտնի կդառնա մարտի 27-ին: