Կարծում եմ՝ ԳՇ պետ նշանակելու վերաբերյալ Նիկոլ Փաշինյանի մտքում Արգիշտի Քյարամյանն է կամ իր աներձագը․Գեղամ Մանուկյան (տեսանյութ)
Աջակցիր «Ա1+»-ինԱմբողջ գիշեր քաղաքացիների հոսքը չէր դադարում, բազմաթիվ քաղաքացիներ գալիս էին սատարելու, բարեբախտաբար, ողջ գիշեր ամեն ինչ հանդարտ անցավ։ Դեմիրճյան փողոցում լրագրողների հետ զրույցում նշեց ՀՅԴ անդամ Գեղամ Մանուկյանը։
Ինչ վերաբերում է Օնիկ Գասպարյանի լիազորությունները դադարեցվելու վերաբերյալ Կառավարության հայտարարությանը և նախագահի՝ Սահմանադրական դատարան դիմելուն, Մանուկյանն ասում է․
«Կա վիճելի հարց, նախագահը հայտարարել է, որ դիմել է ՍԴ օրենքի սահմանադրականությունը ճշտելու հարցով, որի վրա հղում անելով՝ Կառավարությունն ասում է, որ իրավունքի ուժով Օնիկ Գասպարյանը ԳՇ պետ չէ։ ԳՇ պետի պաշտոնավարումը կարգավորվում է Հայաստանի Սահմանադրությամբ, 2020 թվականին նախագահ Արմեն Սարգսյանը դիմել է ՍԴ՝ ճշտելու իր գործառույթները, ՍԴ-ն արձանագրել է՝ Հայաստանի նախագահը նշանակում է Գլխավոր շտաբի պետ, ազատման մասին խոսք չկա»։
Մանուկյանը պնդեց՝ բոլոր չափորոշիչներով Օնիկ Գասպարյանը շարունակում է մնալ Գլխավոր շտաբի պետ։
Ըստ Մանուկյանի՝ Նիկլո Փաշինյանն առաջին օրվանից եկել է՝ նպատակ ունենալով ՀՀ զինված ուժերը գլխատել․
«Նրա թիրախներց մեկը եղել է ՀՀ զինված ուժերը, այսօր էլ հետևողական փորձում է ջլատել»։
Ինչ վերաբերում է Գլխավոր շտաբի պետի պաշտոնում վարչապետի նախընտրած թեկնածուներին, Մանուկյանն ասում է․
«Ես կարծում եմ, որ Նիկոլ Փաշինյանի մտքում Արգիշտի Քյարամյանն է կամ իր աներձագը, որովհետև իրենց ուղեղն այդ մակարդակից վերև չի բարձրանում: Այն ավերը, որը բերեց Փաշինյանը... Մի օր «ոտքի դատարանն է գալիս» արտահայտությունից հետո այդ ամենի մասին կխոսվի», - նշեց Մանուկյանը։
