Հայտնի են սուսերամարտի Հայաստանի 2021թ չեմպիոնները
Աջակցիր «Ա1+»-ինՆորագավիթի սուսերամարտի մասնագիտացված մարզադպրոցում կայացել է սուսերամարտի Հայաստանի հերթական առաջնությունը:
Ինչպես տեղեկացնում է Հայաստանի ազգային օլիմպիական կոմիտեի մամուլի ծառայությունը, մրցաշարին մասնակցել են Երևանի, Գյումրիի և Վանաձորի 96 մարզիկ-մարզուհի (27 կին, 69` տղամարդ):
Տղամարդկանցից Հայաստանի 2021թ չեմպիոնի կոչման են արժանացել երևանցիներ Էդվարդ Օվիկյանը (խոցասուսեր), Մայքլ Հովհաննիսյանը (ճկասուսեր) և գյումրեցի Վահան Նազարեթյանը (թրասուսեր), կանանցից՝ Աիդա Ալոյանը (ճկասուսեր) և Էմմա Պողոսովան (խոցասուսեր, երկուսն էլ՝ Երևան):
Մեր սուսերամարտիկներն առաջիկայում ուսումնամարզական հավաք կանցկացնեն Ծաղկաձորում: Մեծահասակները կնախապատրաստվեն ապրիլին Մադրիդում անցկացվելիք օլիմպիական վարկանիշային մրցաշարին, իսկ երիտասարդները՝ Կահիրեում կայանալիք աշխարհի առաջնությանը: