Սերժ Սարգսյան․ Համբերենք, տեսնենք (տեսանյութ)
Աջակցիր «Ա1+»-ին«Համապատասխանում է այնքանով, որքանով իրականությանը համապատասխանում են կապիտուլյանտի հայտարարություններն այն մասին, թե որքան կառուցողական է Ալիևը, որ Շուշին ադրբեջանական քաղաք է, որ «Իսկանդերը» պայթում է 10 տոկոսով, «Իսկանդերը» 80-ականների զենք է»,- այս մասին ասաց Սերժ Սարգսյանը շախմատային միջոցառումից առաջ պատասխանելով լրագրողների հարցերին:
Նրան հարց ուղղվեց՝ որքանով է համապատասխանում իրականությանը Նիկոլ Փաշինյանի հայտարարությունը, որ ՀՀ ԶՈՒ ԳՇ պետ Օնիկ Գասպարյանը կատարել է Սերժ Սարգսյանի հրամանը:
«Ամենայն հավանականությամբ, նոր ներկայացում է պատրաստվում, համբերենք, տեսնենք։ Իսկ մնացած հարցերին, երբ ներկայացումը դիտենք՝ կա՛մ ընթացքում, կա՛մ վերջում կպատասխանեմ», - ասաց նա։
Սերժ Սարգսյանն ասաց,որ մոտակա ժամանակներում կպատասխանի բոլոր հարցերին։
ՀՀ երրորդ նախագահ, Հայաստանի շախմատի ֆեդերացիայի նախագահ Սերժ Սարգսյանը Տիգրան Պետրոսյանի անվան շախմատի տանը մասնակցում է Հայաստանի տղամարդկանց և կանանց առաջնությունների փակման արարողությանը։