ՀՀ ԳԱԱ Վ. Համբարձումյանի անվ. Բյուրականի աստղադիտարանի կողմից կազմակերպվող ամենամյա գիտական (աստղագիտական) լրագրության մրցույթի 2020թ․ մրցանակակիրներից մեկը «Ա1+»-ի լրագրող Ռուզաննա Մկրտչյանն է։

Մրցանակները տրվում են 3 անվանակարգում։

 

Լավագույն հեղինակային տպագիր կամ առցանց հոդված կամ հոդվածաշար անվանակարգում հաղթող է ճանաչվել Վահրամ Հովհաննիսյանը (regst.net), լավագույն հեղինակային ձայնա/տեսանյութ անվանակարգում Ռուզաննա Մկրտչյանը (Ա1+ ՀԸ)։

 

Ինչ վերաբերում է ամբողջ տարվա կտրվածքով առավել ակտիվ լրագրողի մրցանակին, ապա այս տարի որոշում կայացվեց այն շնորհել Զավեն Պետրոսյանին («Կրթություն» շաբաթաթերթ, artiknews), որը թեև մասնագիտությամբ լրագրող չէ, սակայն ակտիվ է աստղագիտության հանրայնացման գործում։

 

Այսօր Բյուրականի աստղադիտարանում տեղի ունեցավ մրցանակների հանձման արարողությունը։

 

Նշենք, որ դիտարկվել են միայն 2020թ.-ի ընթացքում հրապարակված հեղինակային աշխատանքները։ Մրցույթը բաց էր ինչպես հայկական, այնպես էլ արտերկրյա լրատվամիջոցների ներկայացուցիչների համար։