«Արտագաղթում են այն մարդիկ, որոնք երկրից դժգոհ են։ Նիկոլի համար սա հաշվարկ է, այսինքն իրենից դժգոհները երկրից գնում են, մնում են հիմնականում իրեն սատարողները և սա ձեռք կտա ընտրությունների ժամանակ», - ասաց ԱԺ ԲՀԿ խմբակցության պատգամավոր Գևորգ Պետրոսյանն ասուլիսի ընթացքում։

Նրա խոսքով, երիտասարդները պետք է համախմբվեն, պայքարեն իրենց ապագայի համար, որովհետև երբ նրանք պայքարեն, ոչ ոք չի ասի, որ այդ պայքարում կան քաղաքական ամբիցիաներ․

«Ես, որպես համալսարանի դասախոս, ասում եմ, որ երեխաները պետք է համախմբվեն արդեն ոչ թե քաղաքական ամբիցիաների, այլ իրենց ապագան Հայաստանում կերտելու համար։ Կարող է ռեկտորի սրտով չլինի սա, բայց ինձ շատ քիչ է հետաքրքրում ռեկտորի և իր կողքը նստողների կարծիքը», - ասաց նա։

Մանրամասները տեսանյութում։