Բացել լրահոսը Փակել լրահոսը
A A
Մշակույթ

Հիսուսն ու փարիսեցիները» կտավի վրա կտեսնենք ինքներս մեզ․ Նարինե Խաչատրյան (տեսանյութ)

 

«Մեր եկեղեցու համար, պատկերագրությունը ոչ թե պաշտամունքի, այլ հարգանքի առարկա է։ Մեր եկեղեցուն բնորոշ ազատության խոսքն է, որ հնչում է այս դահլիճում»,- իր օրհնության խոսքում նշեց Տավուշի հոգևոր առաջնորդ Տեր Բագրատ Սրբազանը ՀՀ նկարիչների միությունում «Կամք, իմաստություն, սեր» ցուցահանդեսի բացման արարողության ժամանակ։

Ներկայացված են Հայաստանի տարբեր թանգարաններից, Ազգային պատկերասրահից, նաև մասնավոր հավաքածուներից՝ Գևորգ Բաշինջաղյանի, Վարդգես Սուրենյանցի, Գրիգոր Խանջյանի, նաև ժամանակակից նկարիչների  կտավները, Սերգեյ Փարաջանովի կոլաժները։ Թեման, որ միավորում է՝ Քրիստոսի կերպարն է ու հոգևոր պատկերները։

Կայացավ նաև Սաթենիկ Վարդանյանի «Հիսուս Քրիստոսի կերպարը 20-րդ դարի և արդի հայ արվեստում» պատկերագրքի շնորհանդեսը։ 

ԿԳՄՍ նախարարի տեղակալ Նարինե Խաչատրյանը ցուցադրությունը բնութագրեց՝ չափազանց կարևոր և օգտակար։

«Շատ խառը ժամանակներում ենք ապրում, ներդաշնակվելու խնդիր ունենք և այս ցուցահանդեսը, կարծում եմ կօգնի, ինքներս մեր մեջ նայելու, ինչ որ բաներ հասկանալու։ Հատկապես, Եղիշե Թադևոսյանի՝ «Հիսուսն ու փարիսեցիները» կտավի վրա կտեսնենք ինքներս մեզ, կտեսնենք հոգևոր այն ուժը, որ մեզ փորձում է մաքրել, բայց մենք համառում ենք, չենք ուզում»։