Արվեստում մենք միշտ հաղթող ենք․ Հայաստանի ազգային ֆիլհարմոնիկը 95 տարեկան է (տեսանյութ)
Աջակցիր «Ա1+»-ինՀայաստանի ազգային ֆիլհարմոնիկի հիմնադրման, զարգացման, դիմակայման և այսօր արդեն միջազգային չափանիշներ ունեցող նվագախմբի կենսագրությունը սկսվեց 1925 թվականից:
Նվագախումբը՝ մարդիկ են, անհատներ, իրենց նախասիրություններով, բնավորությամբ տարբեր, փոփոխվող տրամադրությամբ և նրանց բոլորին պետք է ղեկավարի դիրիժորական փայտիկը, որ անկախ նախասիրությունների, բնավորության կամ տվյալ պահի տրամադրության հարյուր երաժիշտ դառնան մեկ ընդհանրություն:
95 տարիների ընթացքում տասնութ ղեկավար-դիրիժորներից յուրաքանչյուրն իր աղյուսը դրեց նվագախմբի կայացման, զարգացման ճանապարհին:
Ավելի քան քսան տարի նվագախումբը ղեկավարում է մաեստրո Էդուարդ Թոփչյանը, որի մարտավարության շնորհիվ Հայաստանի ազգային ֆիլհարմոնիկ նվագախումբը դարձել է հայ երաժշտության դեսպանը միջազգային ասպարեզում և ապացուցել, որ հայ արվեստը միշտ էլ հաղթող է եղել:
