Բացել լրահոսը Փակել լրահոսը
A A
Տեսանյութեր Պաշտոնական

Ծեծել էր 51-ամյա տղամարդուն ու հափշտակել բջջայինը․ ոստիկանների բացահայտումը (տեսանյութ)

Նոյեմբերի 22-ին, ժամը 4.20-ին, շտապօգնությունից ոստիկանության Արտաշատի բաժին ահազանգ ստացվեց, որ «գանգուղեղային տրավմա, գանգի դիմային հատվածի փափուկ հյուսվածքների սալջարդ» ախտորոշմամբ բժշկական կենտրոն է տեղափոխվել 51-ամյա մի տղամարդ։

Ոստիկանության օպերատիվ խումբը մեկնեց հիվանդանոց և պարզեց, որ նոյեմբերի 22-ին, ժամը 3-ի սահմաններում, Արտաշատի Oգոստոսի 23-ի և Աթարբեկյան փողոցների խաչմերուկում ինչ-որ մեկը ծեծել է տղամարդուն, գրպանից հափշտակել բջջային հեռախոսն ու փախել։

Ոստիկանության Արտաշատի բաժնի քրեական հետախույզների անհետաձգելի միջոցառումներով ավազակային հարձակումը նույն օրը բացահայտվեց։
Կարճ ժամանակահատվածում ճշտվեց կասկածյալի ինքնությունը և գտնվելու վայրը։ Հաղորդումը ստանալուց ժամեր անց, ավազակության կասկածանքով, Շահումյան գյուղից ոստիկանություն բերման ենթարկվեց նույն գյուղի 42-ամյա մի բնակիչ։

Նա խոստովանեց կատարածն ու ոստիկաններին ներկայացրեց հափշտակած հեռախոսը։
Նշանակվել են փորձաքննություններ։
Դեպքի հանգամանքները պարզվում են։
Նախապատրաստվում են նյութեր։