Բացել լրահոսը Փակել լրահոսը
abc5414e6ea3e9e9f93028670206defe
A A
Պաշտոնական

ՄԻՖԻ-ն միջուկային բժշկության մասնագետներ կպատրաստի

ՄԻՖԻ Ազգային հետազոտական միջուկային համալսարանը (ՄԻՖԻ ՄԳՀԻ) 2021 թվականին Մոսկվայում կիրականացնի ուսանողների հավաքագրում՝ «Բժշկական գործ» կրթական ծրագրի համար: Նախկինում համալսարանը վերապատրաստում էր միջուկային բժշկության մասնագետների միայն Օբնինսկում:

Կրթական ծրագիրն իրականացվում է ՄԻՖԻ ՄԳՀԻ-ի մասնաճյուղի՝ Օբնինսկի ատոմային էներգիայի ինստիտուտի հետ:Դիմորդների ընդունելությունը կանցկացվի ինչպես Օբնինսկում, այնպես էլ Մոսկվայում: 

Բժիշկների վերապատրաստման ծրագիրը կառուցված է իրավասության ու կողմնորոշելիության սկզբունքով: Ուսանողները ձեռք կբերեն շտապ օգնություն ցուցաբերելու, բուժքույրական ու բժշկական ախտորոշիչ ու բուժման ընթացակարգեր իրականացնելու հմտություններ: Ուսման ժամանակ կկիրառվեն ինտերակտիվ և ուսուցման այլ նոր տեխնոլոգիաներ՝ օգտագործելով էլեկտրոնային ֆանտոմներ, մուլյաժներ, մանեկեններ, վիրտուալ մոդելներ: Մեր շրջանավարտները կկարողանան աշխատել որպես շրջանային ընդհանուր բժիշկներ կամ շարունակել իրենց ուսումը օրդինատուրայում կամ ասպիրանտուրայում», - նշեց ՄԻՖԻ ՄԳՀԻ-ի բիոբժշկության ինժեներական ֆիզիկայի ինստիտուտի փոխտնօրեն Ալեքսանդր Գալչինը: 

Նրա խոսքով ՝ ուսանողները սովորելու են ՄԻՖԻ ՄԳՀԻ-ի առանձին շենքի հատուկ կահավորված տարածքներում՝ լիովին հագեցած ժամանակակից ուսումնական միջոցներով: Անատոմիան ուսումնասիրելու համար համալսարանը ձեռք բերեց «Պիրոգով» ինտերակտիվ անատոմիական սեղան, մարդու մարմնի բնական պլատինացված նյութեր: Ապագա մասնագետների գործնական վերապատրաստումը տեղի կունենա կլինիկական բազաներում: 

Ապագա բժիշկները կկարողանան օգտվել առաջատար ճարտարագիտական համալսարանի նյութական, տեխնիկական ու հետազոտական բազայից ու խորը դասընթացներ կանցնեն ռադիո բժշկության, տեղեկատվական տեխնոլոգիաների և արհեստական ինտելեկտի բնագավառներում:  

«Ռոսատոմ»