Բացել լրահոսը Փակել լրահոսը
CFBD807B-D868-425B-B4F2-1FC7478F082E_w1023_r1_s
A A
Քաղաքականություն

Բողոքի ցույցերը շարունակվում են Ֆրանսիայի տարբեր քաղաքներում (տեսանյութ)

Հազարավոր ցուցարարներ էին Ֆրանսիայում շաբաթ օրը դուրս եկել փողոցներ` պահանջելով կառավարությանը հրաժարվել անվտանգության հարցով ընդունված այն օրենքից, ըստ որի սահմանափակվում են ոստիկանների դեմքը ցուցադրելու լրագրողների իրավունքները:

Ելույթ ունենալով ուրբաթ օրը երեկոյան` երկրի նախագահ Էմանուել Մակրոնն ասել է, թե երաժշտության սեւամորթ պրոդյուսեր Միշել Զեքլերին Փարիզում ծեծի ենթարկելու փաստն ‘’ամոթալի’’ հանգամանք է Ֆրանսիայի համար:

Փարիզում ու մի շարք այլ քաղաքներում անցկացված ցույցերի մասնակիցները կրում էին ‘’Ոստիկանությունն ամենուր է, արդարությունը` ոչ մի տեղ’’, Ժպտա, երբ քեզ ծեծում են’’ եւ նման ոճի գրառումներով այլ պաստառներ:

Փարիզում անցկացված ցույցի ժամանակ մասնակիցները շուռ են տվել մի ավտոմեքենա, կազմել բարիկադ, բռնկել հրդեհ: Որոշ ցուցարարներ քարեր են նետել անվտանգության ուժերի ուղղությամբ:

Ցույցեր են անցկացվել նաեւ Բորդո, Լիլ, Մոնտպելիեր եւ Նանն քաղաքներում:

Նշված պրոդյուսերին չորս ոսիտկանների կողմից ծեծի ենթարկելու հարցով սկսվել է հետաքննություն: Մեկնաբաններն ասում են, որ այդ ոստիկանների լուսանկարները հրապարակելու հնարավորություն մամուլը չէր ունենա, եթե արդեն ընդունված լիներ օրենքը:

Այդ օրենքը քրեական պատասխանատվություն է ենթադրում ոստիկանների լուսանկարները հրապարակող մամուլի միջոցների նկատմամբ, քանի որ, ինչպես օրենքը կազմողներն են ասում, լուսանկարների հրապարակումը կարող է ‘’ոստիկաններին սպառնալ ‘’ֆիզիկապես ու հոգեբանորեն’’: