Հրդեհ Գյումրիի բնակարաններից մեկում․79 ամյա տղամարդը տեղափոխվել է հիվանդանոց
Աջակցիր «Ա1+»-ինԱյսօր ժամը 18:16-ին ԱԻՆ մարզային ճգնաժամային կառավարման կենտրոն ահազանգ է ստացվել,որ Գյումրիի Կամո փողոցի թիվ 48 շենքի 1-ին հարկից բնակարանում ծուխ է նկատվում, ներսում կա տուժած:
Ահազանգով դեպքի վայր է մեկնել երկու մարտական հաշվարկ:Պարզվել է, որ հրդեհի հետևանքով այրվել են Կամո փողոցի թիվ 48 շենքի 12-րդ բնակարանի (1-ին հարկ) կենցաղային իրերը ՝ սեղանիկ,մահճակալ և հեռուստացույցն ամբողջությամբ: Բնակարանը պատկանում է 79 ամյա Տարիել Հարությունյանին:
Տարեց տղամարդը ամենայն հավանականությամբ ապրում է միայնակ,տունը տաքացնում է վառարանով:Տուժածին շտապօգնության մեքենայով տեղափոխել են «Գյումրի» բժշկական կենտրոն:
«Գյումրի»ԲԿ-ից փոխանցեցին,որ տուժածը ենթարկվել է հետազոտությունների,կյանքին վտանգ չի սպառնում և հոսպիտալացման կարիք չկա։ Հրդեհը մեկուսացվել ու մարվել է ժամը 18:50-ին: