A
A
Հայաստանի բռնցքամարտիկները 5 բրոնզե մեդալ նվաճեցին Եվրոպայի երիտասարդական առաջնությունում
Աջակցիր «Ա1+»-ինՉեռնոգորիայի Բուդվա քաղաքում ընթացող բռնցքամարտի Եվրոպայի երիտասարդական առաջնությունում Հայաստանի հավաքականը նվաճեց 5 բրոնզե մեդալ:
Կիսաեզրափակիչ փուլի երկրորդ օրը ռինգ մտած մեր երեք մարզիկները, ավաղ, պարտություն կրեցին և դուրս մնացին չեմպիոնական պայքարից: 56 կգ քաշային Ռուբեն Ասլիկյանը 0:5 հաշվով տանուլ տվեց ռուսաստանցի Ալեքսեյ Շենդրիկին:
60 կգ քաշային Արթուր Սահակյանը համառ պայքարում զիջեց Ռուսաստանը ներկայացնող հայազգի բռնցքամարտիկ Թենգիզ Քոթոյանին՝ 2:3: Գերծանր քաշային Հովհաննես Փափազյանը չներկայացավ ուկրաինացի Վասիլ Տկաչուկի հետ մրցամարտին և տեխնիկական պարտություն ստացավ:
Հիշեցնենք, որ կիսաեզրափակիչ փուլի առաջին օրը անհաջող էին հանդես եկել նաև մեր երկու աղջիկները՝ 48 կգ քաշային Գայանե Տեր-Բարսեղյանը և 64 կգ քաշային Էլիդա Քոչարյանը: