Ռուսաստանն ու Թուրքիան հուշագիր են ստորագրել Ղարաբաղի հարցով Ադրբեջանում համատեղ կենտրոն ստեղծելու մասին
Աջակցիր «Ա1+»-ինՌուսաստանի և Թուրքիայի պաշտպանության նախարարներ Սերգեյ Շոյգուն և Հուլուսի Աքարը հուշագիր են ստորագրել Լեռնային Ղարաբաղում կրակի դադարեցման վերահսկողության ռուս-թուրքական համատեղ կենտրոն ստեղծելու մասին: Այս մասին հայտնել են ռուսական ռազմական գերատեսչությունից։
Շոյգուն նշել է, որ Ռուսաստանի, Ադրբեջանի և Հայաստանի ղեկավարների ձեռք բերված պայմանավորվածությունները և ռուս խաղաղապահների ներդրումը թույլ են տվել դադարեցնել արյունահեղությունը և պայմաններ ստեղծել խաղաղ կյանք վերադառնալու համար:
Նա նշել է, որ «համատեղ մոնիթորինգային կենտրոնի ստեղծման մասին որոշումը թույլ կտա հուսալի վերահսկողություն իրականացնել կողմերի կողմից մարտական գործողությունների դադարեցման ռեժիմի պահպանման նկատմամբ և ամուր հիմք կձևավորի երկարատև հակամարտության կարգավորման համար»:
Համատեղ կենտրոնը գտնվելու է Ադրբեջանի տարածքում, անցկացնելու է հրադադարի ռեժիմի պահպանման վերաբերյալ տեղեկատվության հավաք, ամփոփում և ստուգում: Կենտրոնը կդառնա պայմանավորվածությունների խախտման հետ կապված ցանկացած բողոքների, հարցերի կամ խնդիրների քննարկման մարմին։
