Միսնկի խմբի շրջանակներում որոշակի աշխատանքներ են տարվել ԼՂ հակամարտության կարգավորման ուղղությամբ. ՌԴ փոխարտգործնախարար
Աջակցիր «Ա1+»-ինՌուսաստանի Դաշնության Արտաքին գործերի փոխնախարար Անդրեյ Ռուդենկոն հայտնել է, որ ԵԱՀԿ Միսնկի խմբի շրջանակներում որոշակի աշխատանքներ են տարվել Լեռնային Ղարաբաղի հակամարտության կարգավորման ուղղությամբ, գրել է РИА Новости-ն:
«Առայժմ կան շատ որոշակի աշխատանքներ ԵԱՀԿ Մինսկի խմբի շրջանակներում, որոնք արվել են Լեռնային Ղարաբաղի հակամարտության կարգավորման ուղղությամբ, խոսքը հենց դրանց մասին է»,- ասել է Ռուդենկոն՝ նշելով, որ Մոսկվան կողմնակից է ղարաբաղյան հակամարտության խաղաղ կարգավորմանը։
«Մենք միանշանակ ելնում ենք այն բանից, որ հակամարտությունը չի կարող ունենալ ռազմական լուծում, հակամարտության լուծումը պետք է լինի քաղաքական, համապարփակ՝ հաշվի առնելով բոլոր շահագրգիռ կողմերի շահերը»,- նշել է ՌԴ փոխարտգործնախարարը։
Նա ասել է, որ դեռևս վաղ է խոսել Հայաստանի ու Ադրբեջանի ղեկավարների հանդիպման մասին։
«Մեզ մոտ փորձագիտական մակարդակով են ընթանում բանակցությունները, նախ և առաջ Մինսկի խմբի շրջանակներում, մեկ այլ բանի մասին խոսելը դեռևս վաղ է»,- ասել է ՌԴ փոխարտգործնախարարը: