ՀՀ-ում ՌԴ դեսպանատունը հերքում է երկու ռուս սահմանապահների զոհվելու մասին տեղեկությունը

Հայաստանի Հանրապետությունում Ռուսաստանի Դաշնության դեսպանատունը մեկնաբանել է համացանցում տարածված տեղեկությունները, թե երկու ռուս սահմանապահներ են զոհվել:

Դեսպանատունը հերքել է այդ լուրերը:

«Ռուսական երկու սահմանապահների զոհվելու մասին՝ միանգամից մի քանի աղբյուրներում հայտնված «տեղեկությունները» մեկնաբանելու խնդրանքով ԶԼՄ-ների ներկայացուցիչների դիմումների հետ կապված հայտնում ենք, որ դրանք  չեն համապատասխանում իրականությանը: Կոչ ենք անում ԶԼՄ-ներին զգուշությամբ ու կշռադատված վերաբերվել նման տեղեկատվական լցոնումներին»: