Իրանը խստորեն կհակազդի ահաբեկիչներին իր սահմանների մոտ. Իրանի բանակի հրամանատար
Աջակցիր «Ա1+»-ինԻրանը խստորեն կպատժի ահաբեկիչներին իր սահմանների մոտ: Նման հայտարարություն է արել Իրանի բանակի հրամանատար, գեներալ-մայոր Սեյեդ Աբդոլռահիմ Մուսավին հակաօդային պաշտպանության ստորաբաժանումներ կատարած այցի և երկրի հյուսիս-արևմուտքում հակաօդային պաշտպանության պատրաստության վիճակն ուսումնասիրելու ընթացքում, գրում է Irna գործակալությունը:
Նա, անդրադառնալով ահաբեկչական խմբավորման անդամների ներկայությանը տարածաշրջանում, նշել է, որ այդ ահաբեկիչների ներկայությունը ատելություն և անապահովություն է բերում տարածաշրջան:
Նա շեշտել է մարդկանց, հատկապես սահմանամերձ շրջանների բնակիչների անվտանգության ապահովման անհրաժեշտությունը: «ՀՕՊ ստորաբաժանումներն ուժեղացվել են երկրի հյուսիս-արևմուտքում ու անհրաժեշտության դեպքում կավելացվեն»,- ասել է նա՝ հավելելով, որ մարդկանց հանգստությունն իրենց համար առանձնահատուկ նշանակություն ունի: