«Երկու ուղղություններով էլ համառ հարձակումներ են փորձել զարգացնել, հիմնականում հրետանային հուժկու ինտենսիվ կրակոցի պարագայում՝ հետևակով, զրահատեխնիկայի մինիմալ կիրառությամբ, շատ մեծ խտությամբ շարակազմերով, մարտակարգերով»:

 

Հովհաննիսյանի խոսքով հայկական զինված ուժերը հակառակորդին հասցրել են մեծ կորուստներ և հետ են շպրտել։ Հավելեց նաև, որ այսօրվա և երեկվա ընթացքում բավականին մեծ են եղել Ադրբեջանի զինված ուժերի կորուստները՝ կենդանի ուժի տեսանկյունից։ Արծրուն Հովհաննիսյանի խոսքով՝ հակառակորդը նոր մարտավարություն է որդեգրել՝ հատկապես բարձունքները գրոհելիս։

 

«Մեծ խտությամբ հետևակի կիրառություն, աննկարագրելի, այնպիսին, ինչպիսին շատ հաճախ տեսել ենք միայն ֆիլմերում», - ասաց Հովհաննիսյանը։

 

ՊՆ ներկայացուցիչը հատուկ ուշադրություն հրավիրեց այն փաստի վրա , որ Ադրբեջանի զինված ուժերը թիրախավորել են հոսպիտալմերից մեկը, հավելեց նաեւ, որ հակառակորդի այս գործելակերպը մեզ համար նորություն չէ։

 

Ինչ վերաբերում է ադրբեջանական կողմում հայտնված մեր երկու ռազմագերիներին , Հովհաննիսյանն ասաց' նրանց մասին տեղեկություն չունի, ադրբեջանական կողմը նման տեղեկություն չի տրամադրում, Կարմիր խաչի հետ չի աշխատում։ Նրա խոսքով այս անգամ հակառակորդը անմարդկային վերաբերմունք է ցուցաբերում նույնիսկ իր դիակների նկատմամբ, ինչը խոսում է որոշակի ցուցիչների մասին։