Ալիեւի հարցազրույցը PБК-ին (տեսանյութ)

ԼՂ հակամարտության կարգավորման միջնորդ երկրների կազմը պետք է փոխվի,-հայտարարել է Իլհամ  Ալիևը РБК հեռուստաընկերության հետ զրույցում։

«Եթե մենք ցանկանում ենք լուծել հակամարտությունը, ապա այն պետք է լուծվի նոր ձևաչափի շրջանակներում»,- ասել է Ալիևը՝  հակամարտության կարգավորման գործընթացում կարեւորելով  Թուրքիայի դերը։ 

Ալիեւը գովերգել է Թուրքիային, Ռուսաստանին համարել Հայաստանի միակ պաշտպանը, առանց որի Հայաստանը գոյություն չէր ունենա, վստահեցրել, որ գնալու է Արցախ շուտով։  Չի  թաքցրել՝ ինչքան է զայրացել, երբ Արցախի նախագահը երդվել է Շուշիում, երբ իմացել է, որ  ուզում են Արցախի ԱԺ նստավայրը տեղափոխել Շուշի, եւ այլն։ Արցախը ճանաչելու՝ միջազգային հանրությանը ուղղված կոչը համարել է ոչ ադեկվադ, ինչպես  միշտ սպառնացել։  Բոլոր դեպքերում՝ պատրաստակամություն է հայտնել Մինսկի խմբի շրջանակներում բանակցություններ  սկսել, թեեւ  գնալու են մինչեւ  վերջ, նպատակն էլ չի փոխվում։  Եթե ռազմական գործողություններ չսկսվեին, բանակցությունները մի 30  տարի էլ կտեւեին, եւ մեզ կասեին՝ համակերպվեք,- ասում է Ալիեւը՝ խոստովանելով՝  ինչու են հարձակվել։  Նա նաեւ հայտնել է՝  Փաշինյանին չի վստահում։ 

Մանրամասները՝  տեսանյութում